إذا تبحث عن افضل كافيهات مارينا مول الدمام فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة عن تجربة ولكم اراء الزوار عنها…
كافيه المكان رائع، الجلسات الداخلية والخارجية كلها جميلة. الديكور الداخلي كلاسيكي وراقي جداً. الكابتشينو من ألذ ما شربت مؤخراً، افتقدنا هذا النوع من الكابتشينو.
تقرير متابع :
أحب الخدمة عندهم جداً لطيفين ومتعاونين، السناكات لذيذة ومتنوعة، الحلا جربت الشيز كيك والشوكليت كفن وكيكة العسل جداً خفيف، والقهوة طلبي الدائم منت كندشن بارد لذيذ جداً وبالذات في أجواء الصيف الحارة، أسعارهم متوسطة، وعندهم أكواب للقهوة الحارة والباردة للبيع بأسعار زينة، جلساتهم جميلة ومتنوعة وفي مداخل للكهربا جنب الجلسات
للمزيد عن كافيه بتلرز شوكلت إضغط هنا
كافيه انيق واجوائه هادئة ومافيه موسيقى بالخلفيه 👌🏻 وطعم القهوة لذيذ .. الكابتشينو واللاتيه عال العال من ايدين الموظف (جيمي )
تقرير متابع :
لسولتد كراميل يفوز بأحلى مشروب حبيته مررره لذيذ والشوكولاته لذيذه الموظفين لطيفين ومحترمين
السناكات لذيذة ومتنوعة، الحلا جربت الشيز كيك والشوكليت كفن وكيكة العسل جداً خفيف، والقهوة طلبي الدائم منت كندشن بارد لذيذ جداً
السولتد كراميل بدون كريمة جميله من هذا الفرع
جربت سبانش لاتيه عندهم حار وبارد كان لذيذ ووسموذي المانجا
للمزيد عن كاريبو كوفي الدمام إضغط هنا
المكان جميل و الاسعار معقوله و يوجد اطلاله خارجيه وخدماتهم ومعاملتهم جدا طيبه والمكان بصفه عامه مريح أنصح محبي الشاهي والقهوة العربية به.. جودة عالية.. وأسعار معقولة جدا.
تقرير متابع :
افظل مقهى في الشرقيه والاحسن انه فيه جلسات على الكرنيش والبحر وفيه قسم للعوئل وفيه جلسات داخل وفيه انواع المشروبات الحاره والبارده وانواع الحلا من الكريب والوافل والبان كيك والمني بان كيك وانواع الكيك والسندوتشات والشباتي واسعار مره حلوه ومقبوله والاروع من هاذه كله نظافت المحل والاكل والمشروبات والمعاملة لزباين وكمان في خدمه لسيارات بصراحه اشكرك كل الشكر مقهى ايامي واتمنى منكم تزوروه والله مره حلو
للمزيد عن مقهي أيامي الدمام إضغط هنا
كافيه فريد من نوعه جلساته الداخلية والخارجية متميزة انصح فيه للشباب والشابات الي يبحثون عن مكان هادئ وجميل، والي يبحثون عن اكلات ومشروبات خفيفة وصحية واصحاب الاجواء الرومانسية …
تقرير متابع :
مكان جميل ومريح، جلسات خارجية في الدور الثاني. عزف بيانو نهايات كل اسبوع، كان فيه اكثر من عازف.
ممتاز لحفلات عيد الميلاد يهتمون كفاية، ومع المفاجأة فيه عزف جيتار!
بالنسبة للاكل ماجربت الا براوني بالايسكريم كان صغير صغير صغير!
كارميل مكياتو كان لذيذ.
المكان كان مزدحم من جماله 🙂
المكان رايق وجداً جميل خصوصاً في الشتاء لان الاطلاله الخارجية مالها حل
اسعارهم شوي مرتفعه والقهوه عادية
الخدمة بشكل عام ممتازة
للمزيد عن ايكونز كوفي كوتور الدمام إضغط هنا
موقع استراتيجي وخيار جميل لقضاء الوقت مع الاصحاب خدمة ممتازة وأجواء رائعة ما يميز المكان وجود مكان مخصص للمدخنين وهو شيء ممتاز بالتوفيق وأنصح به
تقرير متابع :
الموقع جميل والمكان مقسم جهة مدخنين وجهة غير مدخنين و خدمة الموظفين سيئة ومافي رقي بالتعامل جيت جلسة علشان اشوف مباراة وكان الشوط الاول جاني موظف هندي قال لي وشو تبي تطلب قلت له اشوي بطلب و بعد ٢٠ د جاني ثاني مره يقولي لازم تطلب وانا انتظر الشرط الاول ينتهي علشان اطلب
للمزيد عن مراسينا كافيه الدمام إضغط هنا
قهوة جيدة من حيث الموقع والاطلالة الاستفادة منها تكون في الاجواء الحارة فقط او لمن يرغب بشرب مشروبات على الشاطئ والسبب ان اطلالتها كأنك جالس على الكورنيش
تقرير متابع :
ثلاث نجمات فقط للموقع والاطلالة يفترض في موقع مثل هذا ان يكون راقي وجلسات مريحة ليس مثل هذه الجلسات الغير مريحة الديكور ضعيف الخدمة بطيئة جدا جودة القهوة تعتبر وسط بعض الطلبات غير موجودة شخص واحد يقدم الخدمة اقوم بالنقد القصد للتطوير نحتاج ان نرى جلسات فخمة لهذا الموقع الجميل بصراحة كأنك محشور في صندوق خشبي وجلسات عالية مرتفعة بالنسبة للهدوء لايوجد هدوء ايضا التكييف ضعيف جدا اتمنى ان ازور هذا الموقع مستقبلا وبديكور جميل وبجلسات أجمل والاستعانة بخبير ديكور ارجو قبول نقدي واجمالا الموقع يستحق الزيارة والاستمتاع بالاطلالة الجميلة على البحر بالنسبة للاسعار تعتبر عادية وليست مرتفعة يوجد مدخل لذوي الاحتياجات الخاصة ايضا يوجد خصوصية ومناسب للعائلات
للمزيد عن قهوة الشاطئ الدمام إضغط هنا
مكان رايق وهادي خصوصا الفترة الصباحية مع جلسات جميلة ومريح
تقرير متابع :
فرع العثيم مول .. االعقدة لا بأس بها ازعاج المول ! الموكا الباردة سيئة جدا” مقارنة” بالموكا من قهوة الطريق اللي تفوز على كل الكافيهات ! لا باس به، عن نفسي من الممكن ان ازوره اكثر من مرة، يختلف المقهى بحسب اختلاف طاقم العمل في الفرع.
للمزيد عن كوستا كوفي costacoffee الدمام إضغط هنا
المكان رايق ومميز انه في بارتيشن للي يحب الخصوصيه.. طلبنا حلا كان دون المستوى.. القهوة التركية كَويسه وفيها وشش ممكن يكون فطور او مين كورس افضل بس ما جربنا
تقرير متابع :
مكان هادئ ورايق
رحت صباح فطور الطلب عباره عن
فرنش توست: مررا بطل
كروسان بالبيذنجان وجبن حلوم حلو طعمها
امم الطلب الثالث ناسيه اسمه بس هو يجي بطاطا مسلوق وفوقه بيض مفتت: عجبني
في طلب كان بيض تركي باللبنه هو مو سئ بس جدا عادي بيض مسلوق وعليه لبنه
نجي للأسعار: صراحه اسعاره مقبوله جدا غير مبالغ بالاسعار
للمزيد عن أفينيو كافيه الدمام إضغط هنا
كافيه ممتاز ،،،، انصحكم بوقت الغروب مع البحر روعه ،،، الاسعار معقوله جدا ،،،، أفضل قهوه تركى فى جميع الكافيهات الى على الكورنيش الخدمه جيده
تقرير متابع :
فيروشي عندي ينافس الكوفيهات المشهورة ولذيذ ولكن ينقصه الحلا ضعيف في هذا الشي للأسف لكن كقهوة لذيذ وأسعاره مناسبه لذيذ ورايق ، يوجد لديه جلسات خارجية فقط ، لكن يجب الإهتمام بها والعناية بها وبالشكل العام حتى تكون جاذبة أكثر للزبائن خاصة بالحر وقت الصيف ، أنصح بتجربة الشاي الألماني بشدّة .
للمزيد عن ڤيروتشي كافيه الكورنيش الدمامإضغط هنا
مقهى مميز جدا أغلب اشياءه لذيذة و تستحق التجربة 👍، الديكور جميل و موسيقى خفيفة غير مزعجة غالبا هادئ فترة الصباح الى الظهر مناسب للعمل و المذاكرة و اهم شي اضاءة الشمس دخولها المكان تعطيه انطباع حلو
يبيعوا بن قهوة خاص فيهم 🤩.
تقرير متابع :
المكان جميل جداً من ناحية دخول اضاءة الشمس والديكور طلبت من عنده كيكة العسل جداً جداً جميله لكن لكن لكن الكراسي والطاولات ما تنفع حق مقهى غير مريحه ابداً تنفع حق محل برقر او بوفيه بكل امانه وانصح صاحب المحل يغيرها باسرع وقت وشيء ثاني تبخير الحليب اكثر من اللازم وحرق سكريات الحليب وطلع مرارة القهوه اللي يبدولي ان تحميصها وطريقة الاستخلاص معطيتها مراره عاليه اتمنى يحسنون هالنقاط لان المقهى قريب من دوامي وودي اتردد عليه اذا تعديل الملاحظات المذكوره وبس والله موفقين 🌹
للمزيد عن كافيه كاسبن الدمام إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
