إذا تبحث عن افضل 10 كافيهات الدمام على البحر فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
موقع استراتيجي وخيار جميل لقضاء الوقت مع الاصحاب خدمة ممتازة وأجواء رائعة ما يميز المكان وجود مكان مخصص للمدخنين وهو شيء ممتاز بالتوفيق وأنصح به
تقرير متابع :
الموقع جميل والمكان مقسم جهة مدخنين وجهة غير مدخنين و خدمة الموظفين سيئة ومافي رقي بالتعامل جيت جلسة علشان اشوف مباراة وكان الشوط الاول جاني موظف هندي قال لي وشو تبي تطلب قلت له اشوي بطلب و بعد ٢٠ د جاني ثاني مره يقولي لازم تطلب وانا انتظر الشرط الاول ينتهي علشان اطلب
للمزيد عن مراسينا كافيه إضغط هنا
تعامل راقي وجميل .. أول تجربة بالنسبة لي وكان مشروبي الفلات وايت في الحقيقة ما أعجبني تركيزه أحس التركيز عالي والأذواق تختلف من شخص لآخر .. إن شاء الله لي تجربة ثانية
تقرير متابع :
كوفي شوب انيق ورهيب وكوزي وعندهم درايف ثرو وعندهم وقعدات خارجيه وعندهم كل انواع الحليب النباتي من لوز وجوز الهند وحليب البندق الديكور حلو و المكان يستحق الزيارة الجلسات الخارجية رايقه و وقت زيارتي كان في ستيشن قهوة برا للي يحب يسوي القهوة بنفسه،، فكرة ذكية ومبتكرة جربت الكورتادو ما ناسبني و جربت اللاتيه كانت مضبوووطه على المزاج 👌🏻great and friendly staff مكاننننن جداااا جميللل ورايق وقهوته لا توصف ناهيك عن الموظفين المحترمين اكيد بجيه مره ثانيه وثالثه
للمزيد عن كافية أوكا إضغط هنا
المكان جميل وهادئ .. قهوتهم لذيذه والكوكيز فريش ولذيذ .. فيه جلسات خارجية وداخليه والدور العلوي مكان هادئ مره لإنجاز الأعمال أو الدراسة
تقرير متابع :
من أجمل وارقى التجارب اللي جربتها خلال زيارتي للشرقيه بصفه عامه الهوت شوكلت لذيذ لذيذ لذيذ اما الكوكيز فهو يفوق الوصف الذ كوكيز 🍪 في المنطقة كامله .. اما الكوفي فرائع وهادىء وخدمتهم سريعه جدًا
للمزيد عن كافيه ٧ جرام إضغط هنا
مقهى ومطعم جميل منتجاتهم واكلهم وقهوتهم وشاهيهم جودتها عاليه واسعارها رخيصه المقهى فيه كثير من ستايل المقاهي المصرية حتى ديكوره يعيبه شي واحد اللي هو الازعاج لان فيه شاشات مباريات وفي مجموعات تلعب ضومنه وبلوت لكن بشكل عام جميل وانصح فيه
تقرير متابع :
مكان جميل يقع على امتداد طريق الملك فهد بمدينة الدمام ذو طابع شعبي من خلال الجلسات والديكور يقدم المشروبات الحارة والباردة .. يوجد لديهم وجبات إفطار وغداء وعشاء بأسعار في متناول الجميع يوجد شاشات لمتابعة المباريات ويوفرون الضومنة والشطرنج
للمزيد عن مقهى فيشاوي إضغط هنا
كافيه انيق واجوائه هادئة ومافيه موسيقى بالخلفيه 👌🏻 وطعم القهوة لذيذ .. الكابتشينو واللاتيه عال العال من ايدين الموظف (جيمي )
تقرير متابع :
من أماكني المفضلة للقهوة، او كان بالاصح مؤخرا صار تحضيرهم للقهوة ياخذ وقت طويل حاولت اتجنب التأخير بأني اتصل على الفرع يجهزون القهوة، مايردون على تليفونهم في كثير من الأحيان اخر زيارة لي طلبت طلبي المعتاد سولتد كراميل بودينو بارد (ثلج مجروش) ماشربته مباشرة فذاب الثلج ليتضح لي ان القهوة مجروش معاها ورق صغير
للمزيد عن كاريبو كوفي إضغط هنا
كافيه المكان رائع، الجلسات الداخلية والخارجية كلها جميلة. الديكور الداخلي كلاسيكي وراقي جداً. الكابتشينو من ألذ ما شربت مؤخراً، افتقدنا هذا النوع من الكابتشينو.
تقرير متابع :
الجلسات الداخليه مريحه وهادئه وايضا الخارجيه ممتازه رووعه بالشتاء.. تتوفر مدفئات بالجلسات الخارجيه.. المكان هادئ رايق والخدمه أروع.. جربت الكريب بالفواكه وكان مضبوط. وكرة الشوكولاته حلوه للأطفال وللي يحبون الحلا الكثير. والكابتشينو ممتاز .. المكان مسموح فيه دخول الاطفال
للمزيد عن كافيه بتلرز شوكلت إضغط هنا
اغرمت بالمقهى جمييل طابع مميز القهوه لذيذه والحلى لذيذ جداً والكميه كبيره ( كيكه الفستق ) والاسعار جداً معقوله وتعتبر من ارخص المقاهي على الحوده المقدمه .. المقهى بطل … عوده اكيده قريباً
تقرير متابع :
اول تجربة لي Snapchat: mui666 عاشقه ومغرمه بالقهوة تعتبر الفلات وايت اللي جربته ممتاز جداً مستقبلاً أتمنى يكون فيه خيارات اكثر للقهوة .. طعم البن ممتاز قريب من قهوة محمصة قاف راح أعيد التجربة في حال كنت قريبه اكيد ألوان الديكورات جميلة وأنيقة حبيت ♥️ ممكن يكون لهم فرع بالخبر بيكون اجمل .. على طريقنا وكذا 👍🏻😍
للمزيد عن كافية بكلو إضغط هنا
كافيه فريد من نوعه جلساته الداخلية والخارجية متميزة انصح فيه للشباب والشابات الي يبحثون عن مكان هادئ وجميل، والي يبحثون عن اكلات ومشروبات خفيفة وصحية واصحاب الاجواء الرومانسية …
تقرير متابع :
مكان رائع و جميل يقدم قهوة عضوية 100% وعندهم خيارات كثيره صحية بالمنيو من حليب نباتي مثل حليب الصويا وحليب جوز الهند و منتجاتهم الخاصة ايضا يقدموا الكيك والايسكريم الخالي من السكر وفيه خيارات خالية من الجلوتين وخيار نباتي 100% والمخبوزات والسلطات تحضر عندهم يومياً و طازجة .المنيو بشمل مشروبات بادره ساخنه و قسم جميل للفطور اللي يقدم طوال اليوم وأنواع من الوافل المالح او (الوافل برجر) يجهز ويعد طازج داخل المقهى عند الطلب وكذلك خالي من السكر المضاف و عصيرات صحية .
للمزيد عن ايكونز كوفي كوتور إضغط هنا
كافيه ممتاز ،،،، انصحكم بوقت الغروب مع البحر روعه ،،، الاسعار معقوله جدا ،،،، أفضل قهوه تركى فى جميع الكافيهات الى على الكورنيش الخدمه جيده
تقرير متابع :
فيروشي عندي ينافس الكوفيهات المشهورة ولذيذ ولكن ينقصه الحلا ضعيف في هذا الشي للأسف لكن كقهوة لذيذ وأسعاره مناسبه لذيذ ورايق ، يوجد لديه جلسات خارجية فقط ، لكن يجب الإهتمام بها والعناية بها وبالشكل العام حتى تكون جاذبة أكثر للزبائن خاصة بالحر وقت الصيف ، أنصح بتجربة الشاي الألماني بشدّة .
للمزيد عن ڤيروتشي كافيه الكورنيش إضغط هنا
المكان جدا جميل وهناك غرف مقلقة و العامل الموجود امين على سبيل المثال. سقط جوالي في الجلسة. و العامل راح يسوي شغله المعتاد بعد ما يطلعون الناس من الجلسة يروح ينضف الأوساخ ونتو بكرامة و يرتب المكان و شاف جوالي وجا قبل مانطلع و عطانة اياه جزاه الله خير
تقرير متابع :
ديوانية الطواش تقع في المنتجع البحري بالدمام تتميز الديوانيه بجلسات خاصه vip وجلسات عاديه وجلسات مفتوحه يقدم المشروبات الساخنه والماكولات ويوجد وجبات فطور بالنسبة للجلسات انا حجزت جلسة عاديه ب 37 ريال تشمل دلة قهوه وبراد شاي وتمر وطحينه و2 مويا الجلسة كانت بارده ومريحه ويوجد فيها بث للمباريات المشفره بالنسبة للقهوه والشاي طعمها جادي عادي ايضا تتميز الديوانيه بغرفه خاصه للمدخنين يعيبها شي واحد تاخير استلام الطلب من العاملين
للمزيد عن ديوانية الطواش إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
