المطعم من افضل مطاعم الكباب في الدمام
مطعم لحظة لقانا مطعم متخصص بالمشويات وخصوصاً الكباب العراقي ، مطعم يرجعكم لطعم زمان المشاوي الاصلية وكميات راهية واسعار رخيصة جداً مقابل الكمية ويعتبر من ارخص مطاعم المشويات
.
المطعم فيه قسم للعزاب وقسم خاص للعوايل معزول تماماً عن قسم العزاب .
.
.
وزود على كذا عندهم عروض ممتارة لبعض الوجبات وفيها توفير كبير ، المطعم عندهم توصيل عن طريق هنقرستيشن .
.
.
جربت المطعم وجربت بعض الاطباق فيه .
.
مشكل مشويات لقانا ،،،،، ٣٨ ريال
٦ اسياخ مشويات يقدم مع البطاطس المقلية والطماطم المشوي ، الكباب عراقي واللحم طيب وما فيه زفوره .
.
.
كباب صاج باللبن ،،،،، ٣٤ ريال
كباب لحم عراقي يقدم على الصاج مع طبقة من اللبن والبقدونس والسماق ، الكباب ممتاز واللبن معطيه نكهه لذيذة وما فيه حموضة زايدة .
.
.
كباب اسباني ،،،،، ٣٣ ريال
كباب لحم او دجاج زي ما تحبون يقدم على الصاج مع خلطة صوص حالية وخضار مثل الماشروم والبصل الاخضر ، ممتاز للي يحبون الطعم الحالي في الاكل .
.
.
شاورما عربي ،،،،، ١٦ ريال
يقدمون شاورما على الفحم مميزة ومشوية بشكل ممتاز وتقدم مع البطاطس المقلي والثوم والمخلل ، يعني شاورما عربي على اصوله والخبز اللي يستخدمونه خفيف ، طعم الشاورما لذيذة وانصح فيها .
.
.
مشكل مقبلات ،،،،،، ١٧ ريال
حمص ومتبل وتبوله وفتوش ، هذي فعلاً ترجعكم للطعم القديم والاصلي والمطاعم الشعبية ، طعمها لذيذ وكميتها ممتازة
.
.
.
التقرير الاول :
اقسم بالله لي اكثر من ٦ سنوات وانا اكل من عندهم دجاج على الفحم ولا طفشت منه اقسم بالله يدلعون لك الدجاج يجك طري ولذيذ جداً 👍🏼. روح للكاشير وقوله واحد دجاج على الفحم نص مستوي وادعيلي 🙋🏻♂️.
التقرير الثاني :
من افضل مطاعم كباب بالدمام اسعارها جداً ممتازه واكل مررررره لذيذ جداًً مجرد اجي للشرقية اول مطعم اكل منه متعامل معه اكثر من 4 سنوات
التقرير الثالث :
ممتاز يستحق التجربة أسعاره مناسبة جداً جلسات جميلة خصوصية مميزة الطعم يكاد أن يصل للتميز التحضير سريع و طريقة التقديم ممتازة يسعدني زيارته مرات أخرى إن شاء الله
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
