كافيه بلنق الدمام Bling اول شي جذبني التصميم والفكره حيل بطله ، جربت عندهم صنف واحد كان ححححيل لذيذ وبإذن الله الجايات اجرب الباقي ربي يوفقهم وعقبال اشوف فروعهم منتشرة في كل مناطق السعودية والخليج
شارع عبدالرحمن بن عوف، المنار، الدمام
كانت تجربة حلوة والموظفين ترحيبهم جميل لكن السعر مرتفع شوي وايضاً الوافل كان بارد .. لذيذ لكن تمنيت انه حار لو شوي عشان نحس باحساس الوافل الحقيقي 🙃 حبيت الصوص كان لذيذ جربوا الوافل بالمانجا والوافل بالسكر والقرفة مسار السيارة شوي ضيق للسيارة الكبيرة
الوافل لذيذ وخفيف وعندهم انواع كثيره المشروبات كانت لذيذه حبيت البيناكولادا 😋 قهوتهم من عمق مضبوطه 👌🏻 سريعين واسعارهم مناسبه انا مو من النوع اللي احب الوافل جربت ٣ انواع التشوروز الكراميل والبيكان البايتس اللي مغطى تشوكلت بلجيكي ( احلى واحد يفوزز لذيذ بشكل مو طبيعي لو في تقييم اكثر من ٥ كان عطيتهم على لذاذته ) لدرجة شريت ورجعت لهم مرة ثانية بنفس اليوم اشتري الخدمة سريعة على الزحمة الموجودة
لما زرته اول مره طلبت باتس تشوروز وما ابهرني البايتس كانت عجينته بايتة والصوص حالي بزيادة بالنسبة لي. لكن جربته مره ثانيه نفس النكهة لكن وافل العجينة كانت احسن والصوص حلو لكن انا شخصياً ماحب الحلا الزايد فرجعت وجربت نكهة جديدة (وافل بريتزل بالشكولاته ) وادمنتها حرفيا عشقي الجديد انصحكم تجربونها. ونكهة اليوم الوطني بتحتل المركز الاول لأن عشقي كيكة الدخن ليت تخلونها خيار دائم (اقصد وافل الدخن).
كانت تجربة جيدة احلى شي كان قطع البايتس بالسكر والقرفة وافل المنجا والوافل بصوص التوت كان طعمهم حلو اما المشروب الخاص فيهم فيه نكهه غريبة ما حبيتها مشروب الباشن فروت ممتاز 👍🏻 يستحق الزيارة مره اخرى ثالث زياره لهم وترحيب الموظفين والسرعه ممتازه فكل مره، انا من محبين الماتشا وأقدر اقول حاليًا بلنق ياخذون المركز الاول ، يعتبرًا شوي حالي بالنسبه لذوقي ولكن فيه طعم مميز وغريب كأنه موية ورد والسعر والحجم ل٢٠ ريال اشوفه ممتاز
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
