مطعم يسومي الظهران Yasumi محل مختص بالرامن و جربنا عندهم احد الانواع وكان لذيذ يستحق التجربة و العودة له مره ثانيه
طريق الأمير محمد بن فهد بن عبدالعزيز، القصور، الظهران
966551664003+
متخصصين في شوربة الرامن. لذيذ جدا طبق دجاج الترياكي لذيذ وصحي. الجلسة حلوة والموظفين ممتازين.
حالياً فتح تجريبي وساعات العمل من ٥:٣٠ مساءاً الى وقت الاغلاق (مو متأكدة متى). طلبنا رامين الدجاج بالشويو ويوزو رامين وقيوزا الربيان وطبق مقبلات اسمه قالبي بييف. كلهم كانوا ممتازين والرامين الى درجة كبيرة يقارن بالي اكلناه في افضل المطاعم في اليابان. صاحب المطعم كان موجود وتقبل تعليقاتنا بصدر رحب. سعيدة بوجود مطعم رامين بهالمستوى في المنطقة ونتمنى له النجاح.
اجواء يابانية رهيبة و العاملين يتكلمون عبارات يابانية و الاكل لذيذ طلبت شويو رامين كلاسيك باللحم و اتشيراقو بالدجاج..اللحم طري و المرق لذيذ و الدجاج عجبني التحميرة الخفيفة اعطت طعم و كمية الاكل راهية ماقدرنا نخلص الاكل على الرغم من لذته..الخدمة راقية..في النهاية اعطانا عنب مجمد لذيييذ اعجبتنا فكرته صراحة
لمحبي الرامن (ياباني). المطعم ممتاز و الأكلات جيدة و سعره ممتاز. يعيب المكان صغره. ماعندهم حجز و ممكن يكون في انتظار. وماعندهم كرسي أطفال. جودة الأكل ١٠٠/١٠٠ 👍🏻من افضل المطاعم في الرامن …. بصراحة جدا خرافي الطعم و واضح شغالين عليه بشكل كبير جدا … أنصح فيه و بقوه لمحبين الرامن افضل رامن في السعوديه
الرامن باللحم كان الطعم عادي بس تجربه المكان تستحق احس ممكن مع اضافه الصوصات اللي ع الطاوله الطعم يصير اكثر حده الجيوزا حلوه اخذت بالدمام كان ودي اجرب الموتشي بس ماكن متوفر نرجع له ونجرب دجاج الكاتيو وباقي الاطباق مطعم رايق والاكل لطيف. اعتقد نوعا ما غالي على اللي يقدمه. من زمان ما جربت رامن بالسعودية ولكنه يتوفق على اللي جربتهم زمان. ما فيه شيء مميز زي اللي جربته باماكن غير. ولكن لو مشتهي رامن فيعتبر خيار جيد.
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
