إذا تبحث عن افضل مطاعم فطور القطيف فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
تجربتنا كانت للفرع الجديد، المكان صغير لكن فيه جلسات محدوده بالدور الثاني، الخدمه سريعه و الاكل لذيذ و التعامل ممتاز،، ملاحظه وحده بس لو العمال يستخدموا منقاش للاضافات بالساندويتشات والصحون👌🏾
انصح به لطلبات العزايم و الفطورات العائلية
تقرير متابع :
التقرير الكامل لمطعم ان واوت فلافل
المكان واسع وجميل ونظيف وموقعه ممتاز وانصح التعامل معه هذا الشي نفتخر به لأنه موقعه في القديح كل شي من القديح حلو وزين اكيد بقيم ٥ من ٥ يعني ما يحتاج شي راقي و المكان واسع وجميل ونظيف وموقعه ممتاز وانصح التعامل معه هذا الشي نفتخر به لأنه موقعه في القديح كل شي من القديح حلو وزين
تقرير متابع :
مطعم داخل بلدة القديح الحبيبة وهو من اقدم المطاعم وله شهرته عند اهل القديح اسعاره جيده واكله جيد واصحابه من اهالي القديح
التقرير الكامل لمطعم الشرفا
المطعم بصراحة أعجبنا ، كنت مع الأصدقاء في الفطور ، طلبنا لحم مقلقل و شكشوكة و بيض مقلي وبيض عيون وبازيلا و فول قلابة مخصوص .. جميع الأطباق كانت جيدة 👍 الخدمة ممتازة برغم ازدحام المكان برغم كونه واسع .. و الأطباق لا تتأخر .. بالتأكيد لنا زيارات قادمة ..
تقرير متابع :
مطعم جميل يقدم وجبة الإفطار والعشاء في قسم للأفراد وقسم للعائلات بجلسات أرضية وجلسات على الطاولة عندهم منيو متنوع من الأكلات الشعبية مثل الشكشوكة والكبدة والفول والعدس والمطبق والمعصوب المكان نظيف من الداخل والخدمة سريعة وأحيانًا يكون المطعم مزدحم فيتأخر الطلب وتتوفر مواقف للسيارات لكن في أوقات الزحمة ما تكون متوفرة عادة الأكل لذيذ وساخن الأسعار مناسبة ويفتح في وقت مبكر من الصباح اختيار ممتاز لوجبة الإفطار أنصح بزيارته وتجربته
التقرير الكامل لمطعم عدن
بصراحه اشكر صاحبة المطعم الاستاذه ماريا حمادالدعوة الجميله كذلك مديره المطعم الأستاذة زهراء الخاتم ع حسن الاستقبال كذلك الاستاف بصراحه خدمه سريعه بصراحه يواجههه لعزيمه اوضيوف ميزة االمطعم تميزه بنكهة متعددة مابين التراث الشعبي. والهندي والشرقي الاكل لذيذ حده اشكرهم عاالاخلاق العاليه والاهتمام والتميز يستحق الزيارة يعتبر من المطاعم الجميله ف القطيف الاكل كل طبق يقول الزود عندي. القيمات ولا غلطه كذلك. كلمه شكر لاتوافيهم حقهم الله يوفقهم
تقرير متابع :
المطعم ممتاز والخدمة جيدة. الاكل وصلنا بسرعة ولكن بعض الاطباق كانت باردة. الاسعار اعلى من المتوسط والجودة جيدة. البانكيك كان خفيف وممتاز والعصيدة كانت جيدة لكن فيها دهن كثير وبالنسبة لي شوي طاغي.
شاي الكرك سبايسي وماكان جيد. اتوقع حاطين كثير من المسمار. الخبز فرش وممتاز.
عتبي بان المكان مليان ذباب وشوي الوضع يطفش. والا بشكل عام تجربة جيدة.
التقرير الكامل لمطعم الطواش
لذيذ كطعم وكذلك تعامل الطاقم والموظفة ممتاز جدا وراقي لكن يعيبه صغر الجلسات الداخلية بالطابق العلوي وكذلك الجلسات تحتاج لمزيد من الاهتمام …. بالنسبة للأسعار جيدة ومقبولة
تقرير متابع :
رحنا فطور العيد عندهم، الحلو ان عندهم كباين واسعه بالنسبه لباقي المطاعم 🤩!
الاكل ماعليه كلام عجبني،
كنا اربع اشخاص، طلبنا فطور عربي (فلافل، كبده، شكشوكة، طحينية، فاصوليا، وخضار)، وطلبنا ابريق كرك وكانت كميته جيده كفتنا الاربعه ويمكن كفت كوبين زياده.
وطلبنا سلطة يونانية، واومليت جبن، وراب حلوم.
السلطة خضار يعني ماعندي تعليق عليها 😂 يمكن لو يزيدوا كمية الجبن شوي افضل. الاومليت عجبني الجبن حقهم مره لذيذ، وراب الحلوم بعد عجبني ماهو اوڤر مالح.
الفاتورة كانت ب١١٢. وبعد طلبنا في النهاية كوب امريكانو بارد ونسى يحطها في الفاتورة ويوم جينا نقول اليه قال على حساب المطعم (مجاناً)👍🏻👍🏻
وبعد كانو سريعين في الطلب يمكن لانه فطور يعني مايحتاج وقت طويل.
التقرير الكامل لمطعم ثقافات بيسترو
المكان هادئ و رايق و جميل رحته بوقت مبكر فكان جو المكان لطيف وهادئ مافي زحمة بس كلما تاخر الوقت تزيد الزحمة الا يحب الجو الهادي يروح مبكر ، جربت الفلافل كان لذيذ مره و جبن الحلوم نكهته مميزه و العدس طعمه عادي مقبول ، عصير البرتقال طازج و لذيذ ، الموظفات والموظف لبقين ونفسيتهم حليوه تروق من الصبح ، اسعارهم حلوه و كمية الأكل ممتازه بالنسبة للسعر ، و بشكل عام تجربة لطيف و ممكن تتكرر ، خصوصًا ان خيارات الفطور عربي ، بس اتمنى المنيو يكون فيه تنوع اكثر بالمستقبل لكن بشكل عام كل شيء ممتاز يعطيهم العافيه
تقرير متابع :
رحته ايام الاختبارات انا وصاحبتي وكانت اول زيارة وان شاء الله مو اخر زياره 👍🏽
– الطلب كان عن طريق الباركود
– الزحمه منوسطه بس كل ما تأخر الوقت زادت الزحمه.
– الأسعار متوسطه ليست مرتفعه.
– كانو الموظفات متعاونات و لاحظت اللي عندها صعوبه بالطلب يساعدونها بكل وابتسامه.
– كمية الاكل جيده لسعره يعني كويسه ( كنت اتوقع الطبق صغير بس طلع وسط )
_ كان طلبي طبق بيض تركي وفلافل واعجبنا انا وصاحبتي بالطعم وتميز طعم البيض التركي عندهم لذيذذذ والفلافله فيه لذعه بسيطه فلفل بس حلو وما تحسونه ثقيل بالعكس خفيف.
التقرير الكامل لمطعم عاشق الورد
مطعم ماشاءالله نظافة وإستقبال رائع من الموظفين وطلبنا جهز في الوقت المحدد مطعم الباشا له خبره في مجال البقوليات يوجد عنده صحون مشكله بأسعار مختلفه والتزيين الرائع للصحون.
تقرير متابع :
من المطاعم الشعبيه النظيفه وأسعاره مقبوله جداا دائما اخذ منه الأطباق العائليه المشكله
طبق الفول المشكل ممتاز فلافله وكبدته ممتازه
خدمتهم سريعه
التقرير الكامل لمطعم فوال الباشا
المطعم ماشاء الله اخلاق وتعامل وخدمه سريعه والأكل جداً لذيذ الله يوفقها ام حسين تستاهل كل خير وعقبال مانشوف ليها فروع❤️❤️
تقرير متابع :
تجربتي في مطعم وافي الشعبي الموقع ممتاز ومتوفر مواقف الديكور راقي وجميل الاكل لذيذ بلاليط ماله حل الطعم رهيب 100% الفول 70% الجبن المالح 100% اول مره اجرب مثلها الحمص 60% الكبده بقر الشكشوكة 80% لاحظت زيت الزيتون أصلي جوده لكن عتبي على كثرة زيت الزيتون ماأحب يكون كثير على الاكل الله يوفقكم ويرزقكم
التقرير الكامل لمطعم وافي
مكان رائع بفكرة جميلة وجديدة جدير بالتجربة، المكان نظيف ومرتب عندهم جلسات مغلقة في الدور العلوي وطاولات مفتوحة في الدور الأرضي، الأكل لذيذ وطاقم العمل محترمين ، أكلاتهم كلها بأيادي قطيفية ولذلك طعمها مميز وكأنه في البيت. ارجو ان يحافظ المكان على مستواه الحالي بل والتقدم للأفضل ان شاء الله.
تقرير متابع :
كانت اول مره اروح المكان🤩 امرتب ونظيف👍🏻 اني جربت عندهم الشكشوكة والكبده والكلام من قلبي بصراحة اني طبخي احلى 🙈في احد احط صلصل بالشكشوكه🙁 والكبده حاره واجد🥵 من لبهارات كأنها حقة هنود🚫 والظهار علبة الكمون طاحت بكاملها بالكبدة🤦🏻♀️ ليه الكمية دي حبايبي اني اكل كبده لو كمون اني شخصيا اندمت على تجربتي🙍🏻♀️ وماراح اعيدها المثل اقول (قل الصدق ولو على نفسك) صحيح لية حاطين المخمات والسحاتات والنب بالحمام🤔 تعالو ادرو احنا انظاف🤣 خربتو ام الاضائه الهادئه بالحمام 😅
التقرير الكامل لمطعم ريوق
مطعم نظيف.. متخصص بالفطور… الفول بالحمص ممتاز والكبدة ايضا جدا ممتازة… العيب الوحيد دوامهم صباحي فقط…
تقرير متابع :
ولا أحلى راقي في التعامل ونظيف ومظموووون ويستااااهل أكل لذيييذ وشهي وخفيف وسريع التجهيز خاصه في طلبات الاتصال تعامل رااااااقي جدا جدا جدا وابتسامه دائمه مع الجميع أتمنى من القائمين عليه الاستمرار في التقدم والعنايه الفائقه لكم مني جزيل الشكر والتقدير
التقرير الكامل لمطعم جبل الصنوبر
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
