مطعم جريل شاك هو مطعم متخصص في البرجر الشيك شاكي ولكن قبل فترة جدد المنيو وأضاف شغلات جديدة ممتازة مثل برجر الدجاج والهوت دوق وساندوتش الستيك وغيرها .
.
الحلو في المطعم عندهم جلسات مكشوفه فوق المطعم وفيه شاشات عرض للمباريات وفي الأجواء الجميلة تعتبر جلسة مرة رايقة وحتى بالصيف اعتقد بيضيفون رشاشات الرذاذ .
.
طلباتنا ..
جريل شاك برجر .. 21 ريال
الطعم ممتاز ولذيذ واللحم تحسن كثير عن اول ما فتح المطعم وصار من المطاعم المميزة اللي تقدم برجر اللحم الشيك شاكي .
.
برجر الدجاج .. 18 ريال اعتقد
على كلام اللي جربه يمدحه والدجاج ما فيه زفورة وممتاز ومقرمش واضافة ممتازة للمنيو .
.
هوت دوق .. 14 ريال
فاجئني بصراحة مستوى الهوت دوق لذيذ بكل ما تعنيه الكلمة وطعم الشواء فيه واضح ومعطيه نكهه ممتازة عجبني كثير .
.
بطاطس بالجبن وبطاطس بخلطة جريل شاك .. ما اذكر الأسعار
البطاطس ممتاز وكميته كبيرة ومغرق بالجبن والصوص وبخصوص اللي بخلطة جريل شاك لذيذ جدا ونكهة الصوص حقهم مع الجبن ممتاز والثوم يعطيه نكهة مميزة .. انصح فيه .
.
التقرير الاول :
الاكل لذيذ ونظيف والاسعار جدا مناسبه وحلوه 😍😍 اكرر الزياره لهم بين فتره وفتره لأنهم الأفضل حقيقي في عمايل البرجر
التقرير الثاني :
مطعم ممتاز أكلهم لذيذ خصوصاً البرجر وتوجد قائمة متنوعة لجميع الأذواق، الجلسات مريحة وواسعة وتوجد جلسات مفتوحة بالدور العلوي والخدمة كانت جيدة وتحتاج لتحسين وتطوير.
التقرير الثالث :
طالبه من هنقرستيشن. بس لايزر برجر يمووووتتتتتتت ياناس واللللله يموووووتتتتتتتت الذ شيء ذقته بحياتي بموت وتشيلي تشيز فرايز يجنن والله العظيم مع الكريمة الحامضة ي م و ت. بس بخصوص الاسعار???? هدو شـ كثير ـوي
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
