مطعم الشيف سامي هو مطعم متخصص في المأكولات الكويتية ، عنده تشكيلة من الاطباق الشعبية الكويتية مثل المجابيس ومطبق السمك والبرياني بالاضافة للجريش والمرقوق والمموش ، ويقدمون مع الطلبات الدقوس والمعابيج .
عندهم بعد تشكيلة من المقبلات من السلطات والورق عنب والدولمة وغيرها كثير ، فيه عندهم قسم للعوايل داخل .
.
.
يميزهم ان اكلهم نظيف ولذيذ كأنه أكل بيت بنفس المستوى والجودة والطعم ، بالاضافة الى خدمة مميزة ومتعاونين وسريعين ، كانت لي تجربه في المطعم بشاركها معكم
.
.
.
مجبوس لحم ،،،،،،، ٥٤ ريال
اللحم مرة ذايب وترف ومستوي وما فيه اي زفوره ، وتبهيرته موزونه ولذيذه ، والرز مرة لذيذ ونثري .
.
.
مجبوس دجاج ،،،،،،، ٢٣ ريال
نفس مستوى اللحم ، الدجاج لحمه ابيض وجلدته تقرمش 😍 ، مرة ممتاز ولذيذ .
.
.
مطبق سمك زبيدي ،،،،،، بحدود ٤٥ ريال ولكن يتغير حسب الموسم
حجم السمكة ممتاز ومستويه مضبوط ولحمتها ترفه ، السمكة من لذتها ودكم تاكلونها لحالها .
.
.
جريش ،،،،،، ٢٦ ريال
جريش احمر مع حمسة بصل ، حموضتها موزونه ومتماسكة ، بصراحه كأنها شغل بيت .
.
.
ورق عنب ،،،،،، ١٧ ريال
ورق عنب بدبس الرمان حامضة وذايبة ، اللي يحب ورق عنب دبس الرمان مرة بيصلح له ، انا طلبت طبق ثاني من لذته .
.
.
فتوش ،،،،،، ١٦ ريال
سلطة فتوش مرة راهية ، حموضتها زينه ومكوناتها طازجه بس انصحهم يلغون الجزر منها بتكون افضل ، وانصحكم تطلبون زيادة دبس رمان لو تحبونها حامضة .
.
.
التقرير الاول :
الاكل لذيذ ولكن السمك صغير والاسعار مرتفعه بالنسبه لحجم السمك . الخدمه جيده والمكان جميل والمواقف متوفره
التقرير الثاني :
المكان واسع وشرح الخدمة بطيئة اتمنى تحسينها مستقبلاً الأكل لذيذ 😋، طلبت بحري vip شخصين رائع 😎 سعره غالي نوعاً ما 💲 ولكن يستحق التجربة
التقرير الثالث :
من اجمل المطعم اللي زرتها وادمنت عليها السمك والدولمة و الفتوش شي لذيذ مررره بعض النظر اني حامل ومتوحمة ع السمك الكنعد حقهم حبيت المطعم وجوه و طعم مررره كل الاطباق اللي ذقتها عندهم لذيذه ياليت ترجعوون الجريش 😍
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
