• الاسم: كافيه كاراميلو karmello_alkhobar
  • التصنيف : عائلات
  • النوع : كافيه
  • الأسعار : متوسطة
  • الأطفال : مناسب
  • الموسيقى : هادئه
  • أوقات العمل : من  ٦:٠٠ص–١٢:٠٠ص
  • الموقع الإلكتروني : للدخول إلى الموقع الإلكتروني للمطعم إضغط هنا
  • العنوان :طريق الأمير فيصل بن فهد، العقربية، الخبر 34441، المملكة العربية السعودية
  • الموقع على خرائط جوجل : يمكنك معرفة موقع المطعم عبر خرائط جوجل من هنا
  • رقم الهاتف : +966 53 801 6116

كافيه كاراميلو

تعشينا امس في كاراميلو ؛ الخبر ؛ شارع البيبسي .. .
.
عندهم عروض على اغلب وجبات الافطار و الغداء و العشاء .. تشوفونهم معلقينها في باب المطعم .. .
.
الفطور عندهم من الساعه ٦ الصبح و يتقدم طول اليوم .. .

افضل اطباق كافيه كاراميلو

تشوفون في الصور الاكلات المتنوعة اللي يوفرها المطعم ( باستا ؛ بيتزا ؛ طبق الجمبالايا اللي يشبه الباييلا الصراحة اكثر طبق يعجبني عندهم ؛ السلمون المشوي و الدجاج المحشي ؛ مقبلات و سلطات و شوربات ؛ حلويات و مشروبات ) .
.
و الفطور يتميزون بالفلافل ؛ و اطباق الاومليت و الفول و الاجبان و البينديكت و غيره .. ) .
.
.
تقدرون تتفرجون اكثر على عروضهم في انستقرامهم أول بأول و ان شاء الله تستفيدون خصوصاً الموظفين اللي يبون مثل هالعروض خلال فترة الدوام

اراء زوار كافيه كاراميلو

التقييم الاول:

الفطور فيه رايق وسعر وعروضات مناسبة اما البيتزاء للعشاء خيااال ومكان مناسب واسعار حلوه يستحق الزياره أكثر من مره اليكم تصوير من تصويري
التقييم الثانى:
المكان هادىء ومرتب والخدمة ممتازه كان طلبي فطور فرنسي كل طبق ألذ من الثاني والبلاك كوفي مضبوط وجربت الشوكولا مره جميله والاحلى صوت القرآن بالمكان الله يبارك لهم برزقهم
التقييم الثالث:

المكان جميل وانيق ولطيف اول مادخلنا اعطونا ضيافة تشوكلت لكن قلت ابي اذوق التشوكلت مع الكوفي الي بطلبه الشاهد لما طلبت الفاتوره حاطين مع قيمة الكوفي التشوكلت العينات الي ماحبيته انه السوبر فايزر السوري عارف انه مرسل لنا عينات ولما جاء قلناله ليش حاطينها بالفاتوره قال هذي سعر التشوكلت قلتله انت عارف انه احنا طلبنا العينات الي بالضيافة وعيونه تبرق فيه ضحكة قال اكيد ماراح اخليكم تطلعون مو راضين ولا يهمك وشالها من الفاتوره هذي نقطة

الشي الثاني عندهم موظف ثاني اسمر لابس بدلة فوق مسؤل عن القسم الي فوق بصراحة غير مؤدم واقف بالدرج ويطالعنا واحنا نطلع الى ما اعطيته نظرة خييير ونزل وعادها مرا ثانيه المفروظ يكون شخص محترم ويرخي عينه ومايطالع بهذي الطريقة لانها جداً فظه وماتريح

واخر تعليق كان على الموظف الفلبيني هو كويس ومحترم وممتاز فيه عيب صغير مره انه كان قاعد يعلك علك طول الوقت وهو ياخذ الطلب وهذا الشي مو احترافي.

كافيه كاراميللو في الخبر كافيه كاراميللو الخبر