إذا تبحث عن افضل مطاعم شارع أبو ذر الغفاري القطيف فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
جيد جداً فيه جلسات فوق اغلب القائمة اطباق فطور عنده شاورما و سلطات و عنده مشروبات غازية و عصيرات طبيعية بس رائحة الزيت معبيه المكان و تعلق في الملابس الاكل نوعاً ما طيب.. تعامل الطاقم ممتاز و متعاون
تقرير متابع :
جربنا الكبدة والفلافل الكبدة لذيذة جدًا جدًا والفلافل بعد حلو والأسعار مناسبة لكن الموظف اللي رد على التلفون شوي كان مو مركز وكل شوي نعيد الطلب حتى لما رحنا نستلم كان بيرجع يعيد الطلب مع انه كان جاهز في المطبخ بس حبيت ألفت انتباهكم لهالنقطة لان أكلكم روعة حبينا المطعم وما راح يكون آخر طلب ان شاء الله
التقرير الكامل لسمطعم ركن بيروت
بدون مبالغة من افضل مطاعم القطيف الوليمه الدجاج السمك واكثر من اختيار للرز والسعر مناسب جدا. الاستقبال والموظفين على درجه عاليه من الاحترام والتعامل. الدقه في المواعيد. ابو سعيد
تقرير متابع :
مع وجود بعض التعليقات من الأخوة الكرام التي تنتقد المطعم جزئيا أقبلت على التجربة الأولى لي مع المطعم وأتمنى أن لاتكون الأخيرة.. طلبت سمك العروسة وزن كيلو ونصف مع الأرز، لكن السمك للأسف غير طازج تقريبا وبالذات سمك العروسة يأتي من المزارع بشكل يومي وطازج وكذلك الديكورات ف الطعام لاتكلف المطعم الكثير ولكنها تثري ذائقة الزبون. أتمنى من الإدارة قراءة كل تعليق والتفاعل مع التعليقات التي تنتقد والتي تأتي غالبا من محب.تم تغيير اسم المطعم الى مطعم الرضا .بصراحة يستحق التجربة بالنسبة الي جربت الوليمة.وصالونة اللحم.والخضار ممتاز.
التقرير الكامل لمطعم جنة الرضا
جميل لايقارن مع المطاعم الكبيرة لكن مستوى الاكل جميل يستحق الزيارة والاسعار جميلة
تقرير متابع :
جربته أكثر من مرة ، وأتمنى انهم يأخذو بالملاحظات . الشاورما ناشفه جداً جداً طلبت فطيرة شاورما فيها شاورما فقط وفليفلة بدون طحينة او سلطة او مخلل الشاورما نفسها ناشفه مره طلبنا كشري باللحم عليه شرايح شاورما ، ونفس الشي الشاورما جدا ناشفه وصلصه الكشري فيها زيت كثير الكشري مقبول يحتاج زيادة بصل ونكهة بالصلصة جربت الباستا الدجاج استغربت اول مره اشوف باستا بحمصة البصل ولفليفله فقط والكمية للحمصه كبيرة لدرجة خلت الباستا غامقه الدجاج اللي فيه اوصال مشوي مقطع ونكهة مع المزيج مو حلوة لو كان دجاج مشوح مع الخضار غير مشوي افضل جربنا سندويش الفيلية حلو اتمنى يحذفو منه شريحة الطماطم احس ماتناسب الفيليه ونفس الملاحظة ناشف ياريت لو يضاف له صوص جبنه او اي صوص مناسب الأكل بشكل عام ناشف يحتاج صوصات يحتاج تبهيره اكثر اتمنى لهم التوفيق وإن شاءالله اذا اخذو بالملاحظات لنا تجربه موفقين
التقرير الكامل لمطعم الكوثر
صراحه اكله حلو ومرتب خاصه البطاطه بالجبن اما البرجر حكايه ثانيه لذيد
تقرير متابع :
– يفتح لوقت متاخر
– سريع بتجهيز الطلبات
– اسعار ممتازه مقارنه بمطاعم البرقر الباقية
-لذيذ واللحم مبهر وجيد
– عندهم توصيل
– الطلب الي انصح فيه ” خس برقر ” خصوصا للي مسوين دايت وايضاً بورش برقر لحم 👍🏼👍🏼👍🏼
– عيب المكان شيء واحد فقط وهو الريحة ريحة بوافي وهذا الشيء انتبهت فيه بكل فروعهم حتى ريحة تغليف الاكل نفسه ريحة بوفية 🤔😂😂
التقرير الكامل لمطعم تكوين
التجربة كانت على وجبة غذاء وكان اكل لذيذ يستحق تكرار الزيارة وتعامل الموظف يشكر عليه شكرا لكم
تقرير متابع :
بطططل اللحم مبهر صح والرز ملون ونثري وطري مو ناشف ومبهر صح بس نتفة سبايسي نتفة اضافة الزرشك والزبيب فنننننننانة كانت وجبة بطلة حمدلله ممتاز الأكلات الشعبية مثل المحوص و الشعبية والمندي انا جربت منها المحوص والمندي اكل نظيف وسعرها مقبول جداً سعر مناسب والله.
التقرير الكامل لمطعم ليالي الوداد
شغل مرتب ومكان نظيف جداً وفوق كذا الاسعار جداً ممتازه ومشوي عندهم ولا غلطه الصراحة
تقرير متابع :
أفضل أوصال لحم في الشرقية بلا منازع، مشوية بشكل ممتاز، طرية، والتبهيرة موزونة بشكل مثالي، ما عندي ولا ملاحظة على الأكل ولا الخدمة، كل شي عشرة على عشرة
التقرير الكامل لسمطعم عبود جميل
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا