مطعم سيزلنق الشرقي ؛ الدمام ؛ شارع الأشرعة في أوان جاليري .. @the_oriental_01
متابعيني القديمين يذكرون و يعرفون عشقي لأطباق السيزلنق و الرز المقلي ..
اقدر اقولكم انهم من الاطباق اللي مضمونه لذتها و مضمون انك راح تشبع منهاا ..❤️😍👌🏼
.
.
.
مطعم سزلنق الشرقي مقدم لكم منيو كامل من الاطباق الصينية ؛ الهندية و البحرية .. .
توصياتي بالترتيب :
١- أي شيء بصوص الجامباس خذوووه بس بما اني جربت الربيان و جنني بلذته فأكيد انصحكم بالربيان جامباس ❤️😍👏🏻
٢- دجاج الكاجو … و لا غلطة ! ثاني الذ سيزلنق عندي .. ممتاززز … .
٣- الرز المقلي المشكل .. .
٤- النودلز المشكل و الحلو في النودلز انه يعطيك الطعم المسبببببك 🔥❤️😍.. .
٥- اللوبستر المشوي .. 🦞
٦- الشوربات خذوا الماشروم بالدجاج أو التوم يوم بالطريقة الصينيه مرره لذيذة تجي بيضاء و فيها شوية طعم جوز هند .. و مليانه ربيان
٧- البرياني بطل .. خفيف و لذيذ .. .
كل هالطلبات اكيد ارجع لها و تعجبني و على ذوقي ..
باقي اللي تشوفونه في الصور حطيته لكم عشان اوريكم مزيد من الخيارات في مطعم سزلنق الشرقي .. .عندهم غرف للعوايل بحواجز كاملة .. و دوامهم من الظهر لاخر الليل . .
التقييم الاول:
بصراحه المطعم متوسط
طلبي كان
شوربة بحرية ٤ من ١٠
روبيان جامباس ٨ من ١٠
رز مقلي مشكل ٧ من ١٠
جلسات العوائل في الطابق العلوي
تجربة عادية باختصار
التقييم الثانى:
لنا خبرة سيئة جدا مع المطعم والسبب سوء تصرف من مدير المطعم…
اطفال كانوا مسببين ازعاج مش طبيعي وكانهم قاعدين في الكورنيش …
رحت للمدير وقلت له كلمهم وقول لهم يسكتوا عيالهم …
مايصير واحد يتابع كرتون في جوال وواحد يصارخ كنه في بيتهم وابوهم
وامهم مخلينهم على راحتهم وكأن محد في المطعم الا هم…
قالي المدير ماقدر اكلمهم في موضوع كذا …
طلعنا بدون مانجرب اكلهم …
ولا راح نرجع لهم لو احلى اكل في العالم
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
