مطعم فطور الأولين الخبر Alawlen Breakfast هذا المكان يسحرك من اول ما تدخل … اسلوب و استقبال و احترافية الكاشير تخليك تحس بالسعادة قبل ما تبدء الاكل … الجميل في الموضوع انه زيارتي السابقة كان كاشير مختلف لكن كان بنفس اللطف و حسن الاستقبال
شارع الملك سعود، حي الخبر الشمالية، الخبر
966565377903+
المحل صغير لكن الشاب السعودي القائم عليه قلبه كبير رحته مرتين بأوقات مختلفة ونفس الأسلوب الطيب والخدمة السريعة وحفاوة الاستقبال، الله يوفقه ويرزقه فوق ما يتصور. الأكل ممتاز جربت العريكة والمعصوب، المنيو بسيط لطيف اطباق قليلة لكن مبدعين فيها.
فطوري اللي بالصوره ب 17 ريال فقط معصوب صغير شباتي بيض وجبت شاهي يكفي 2 بعد صراحه انبسطت والله صاحب المحل الكاشير واقف على حلاله بنفسه ربي يرزقه ويسعده جداً محترم ويستاهل افضل مكان تفطر فيه من اغلب النواحي النظافة التعامل الطعم الكمية او المقدار مقابل السعر اعجبني الكفئ الكاشير بحسن الاستقبال والاخلاق وأتمنى له كل خير وبركة انصح وبشدة
المطعم ممتاز جدًا نظافة ٥/٥ وأسلوب الكاشير ممتاز ٤/٥ العريكة ٥/٥ مطبق جبن بالعسل خطييييييييير ٥/٥ مطبق خضار فنان ٥/٥ يحتاجون إضافة أصناف لقائمة الطعام المعصوب جدا جدا لذيذ و موزون … انا تقريبا جربت كل المطاعم الي تقدم معصوب في الخبر … اقدر اقول انه هذا المطعم بيسحب البساط من تحت اشهر مطاعم المعصوب في الخبر . المطبق لذيذ و تحس كل شي فيه طازج … تاكل و انت مطمن من نظافة الاكل و المكان .
شي جدآ جميل لمن تجي مطعم تطلب و تلاقي الكاشير يبتسم في وجهك. تأكد انه تجربتك بتكون ممتازة لمن تشوف المالك بنفسه ياخذ الطلبات و برضو يساهم في تحضيرها. الاكل جدآ لذيذ و فرش و حار. طلبت معصوب و شباتي بالبيض، الصراحة كلهم لذيذييين و الاسعار رائعة الصراحة. انصح بتجربة المطعم واكيد زيارتي بتتكرر. فالكم التوفيق ان شاءالله.
المطعم نظيف وشرحه جلساته الاكل : العريكة ( عسل + قشطة + جبن ) = ١٢ ريال التقييم ٩/١٠ حبيت طعم فطيرة البر الكرك ممتاز ٨/١٠ بشكل عام جودة الاكل وكميته مقارنة بالاسعار للامانة يعتبر ممتاز جداً يستحق تكرار الزيارة
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
